Thursday, August 31, 2017

වස්සානයේ කඳුළු වියළී . . . . . . Wassanaye Kadulu Viyali . . . . . .

වස්සානයේ කඳුළු වියළී යාවී
නුඹ ගැන මතකේ සිතෙන් මැකේවී
අළුත් ඉරක් හෙටක් පායා ඒවී

හිනා මල් ලඟ මං නවතින්නෑ
සේන මීදුමේ මං දැවටෙන්නෑ
ආදරේ මට අවැසි වෙන්නෑ

මං දැන් නිර්වාණයේ //

බොඳ සිහින වල ආයෙත් ගිලෙන්නෑ
අළුත් සිව් පද ආයෙත් ගොතන්නෑ
පැතුම් කඳු මං ආයෙත් හදන්නෑ

නුඹේ උණුහුම මට හීතල නෑ
නුඹේ හාදු වැල් මට උණුහුම් නෑ
හිරුට පිපුණු කොඳ සඳු රවටනු බෑ

මං දැන් නිර්වාණයේ //

නිර්වාණයේ... //
මං දැන් නිර්වාණයේ


ගායනය - 6th Lane

සීතල සරත් සමේ . . . . . . Sithala Sarath Same . . .. . . . . .

සීතල සරත් සමේ නැගෙ තරිදාන                              
වියරුණු ඝණ අඳුරට පෙම් කෙරුවාද
කුමරිය තනි යහනේ නිදි වැරුවාද..
තනිකර ආ මට තව පෙම් කෙරුවාද..

සීතල සරත් සමේ නැගෙ තරිදාන
වියැලුනු ඝණ අදුරට පෙම් කෙරුවාය
පෙම් සුව සැඟවුනු පෙම සිත හඬවාය
නුඹ නැති හැම රැයකම ගත උණුහුම්ය..

සයුරු සසල බව නිසලව දන්නේ වෙරලයි
සයුරේ රළ මෘදු වෙරලට හැමදා රිදවයි...//
සයුර මමයි මෘදු වෙරල නුඹයි - හරි පුදුමයි...

හැවිලි හැවේ වල්මත් වූ මගෙ කුමරාන
හීන ගහේ මල් පිපුනේ තව නැතිවාද...//
හීන බිදෙයි නෙතු නොහැර හිඳින් කුමරාන...

සීතල සරත්සමේ...

ගායනය : 6th Lane

Saturday, June 10, 2017

සඳරේණු වෑහෙනා .. . . . . . Sadarenu Wahena . . .. . . . .

සඳරේණු වෑහෙනා මේ සීත රාත්‍රියේ            
ඔබ ඉන්න මාගේ ළඟින්
හද පිරුණු වේදනා පිසදා සිනා සලා
මට දෙන්න ආදරේ ඔබගේ හදින්
සඳරේණු වෑහෙනා මේ සීත රාත්‍රියේ
ඔබ ඉන්න මාගේ ළඟින්

පියවී ලොවේ කිසිදා එක්වන්නෙ නෑ
එනමුත් මගේ හදින් වෙන්වන්නෙ නෑ
දෙතැන තනි වී සදා
හෙලන සුසුමන් නිවා
ඔබ ඉන්න මාගේ ළඟින්

තිබුණත් හදේ පැතුමන් ඉටුවන්නෙදෝ
ඔබ ගැන පැතු සිතින් වැලපෙන්නදෝ
කඳුළු හසරැල් මවා
ම සිත ලතැවුල් නිවා
ඔබ ඉන්න මාගේ ළඟින්

සඳරේණු වෑහෙනා මේ සීත රාත්‍රියේ
ඔබ ඉන්න මාගේ ළඟින්
හද පිරුණු වේදනා පිසදා සිනා සලා
මට දෙන්න ආදරේ ඔබගේ හදින්


ගායනය - ප්‍රින්ස් උදය ප්‍රියන්ත
සංගීතය - ජයන්ත දිසානායක
ගී පද - ලලිත් වසන්ත





වෙරළ කොනක හිඳ . . . . . . Werala Konaka Hida . . . .. . .

වෙරළ කොනක හිඳ බලා හිඳින්නෙමි
ඔබ එන මග මා පවන් සැලී
පෙර දිනයක අප හමු වූ තැන හිඳ
වෙන්වන්නට මුණගැසෙමු යළි //

වෙරලේ හැපෙනා දළ රළ අතරේ
මුමුණයි හෙමිහිට අපේ කථා
රැල්ලට නොපෙනී වෙනතක ගිය මුත්
සුදු වැලි මුමුණයි අපේ කතා

වෙරළ කොනක හිඳ බලා හිඳින්නෙමි
ඔබ එන මග මා පවන් සැලී
පෙර දිනයක අප හමු වූ තැන හිඳ
වෙන්වන්නට මුණගැසෙමු යළි

ඔබ හා දොඩනට ගත සිත ශක්තිය
නැති ලෙස හදවත හඬා වැටේ
එනමුදු අප පෙම් කතාව නිම වී
සමුගන්නම් අද තරහ නොවී

වෙරළ කොනක හිඳ බලා හිඳින්නෙමි
ඔබ එන මග මා පවන් සැලී
පෙර දිනයක අප හමු වූ තැන හිඳ
වෙන්වන්නට මුණගැසෙමු යළි //


ගායනය - ප්‍රින්ස් උදය ප්‍රියන්ත



මා එදා කියූ දේ . . . . . Maa Eda Kiyu De . . . . . . .

මා එදා කියූ දේ ඔබට මතක නැතිදෝ                                        
කියූ වදන් මතකේ තියා ගන්න බැරිදෝ
මේ වතාවෙ පමණයි සමා දෙන්නෙ මා නම්
අයෙත් මතක නැති නම් කියන්නේ ම නෑ මයි

කිරි කෝඩු නෑ පෙරදා වගේ
ඔබ දැන් මගේ සොඳුරී ප්‍රියේ
තරහින් නොවේ කීවේ ළ‍ඳේ
වෙනදා වගේ සෙනෙහේ මගේ

මා එදා කියූ දේ...

ඔබ මා ලැබූ මැණිකක් වගේ
රිදවන්නෙ ඇයි මට මේ වගේ
කිසිදා ලොවේ වෙන් වෙන්නෙ නෑ
සිඳිලා මගේ මේ ආදරේ

මා එදා කියූ දේ...



ගායනය - ප්‍රින්ස් උදය ප්‍රියන්ත



Thursday, June 1, 2017

සඳ රේඛාවෙන් බසින ලියේ . . . . . Sada Rekawen Basina Liye . . . ..

සඳ රේඛාවෙන් බසින ලියේ
නූපුර නොසලා වඩින ලියේ
තරු ඕවිල්ලේ පුතු නිදිගන්වා
විජයිඳු පහයට වඩින ලියේ
සඳ රේඛාවෙන් බසින ලියේ

බුදුගුණ ලකරින් මංගල සුතුරින්
පිරුවානා කවි සිලෝ කියා
ආශිර්වාදය කළ මැන පුතු හට
සරසවි දැහැනෙන් තිලක තියා

සඳ රේඛාවෙන් බසින ලියේ...

සුදම් සභාවේ මුල් පෙළ හිඳිනා
හෙල විරුවන්ගේ කතා කියා
දෑ අභිමානය දෙනු මැන පුතු හට
සඳකඩ පහනේ සිරස තියා

සඳ රේඛාවෙන් බසින ලියේ...


ගායනය - අමරසිරි පීරිස්
සංගීතය - කලණි පෙරේරා
ගී පද - හේමසිරි ගුණතුංග



මගේ පුංචි රෝසමලේ . . . . Mage Punchi Rosa Male . . . . . .

මගේ පුංචි රෝසමලේ
මමයි නුඹේ වියපත් බඹරා

නුඹ හීනෙන් වත්
නොදකින කුමරා...//

කළුවර රෑ සඳක් වගේ
අහසේ නුඹ ඉන්නව නම්
ආසයි මම නොකී කවිය - නුඹට කියන්න..
තරහක් නැ නුඹ බැසයන්න....

මගේ පුංචි රෝස මලේ...//

මගේ පුංචි නවාතැනේ
ඇවිදින් සැරි සරණවානම්
ආසයි මම කවුළුපියන් - හැරලා තියන්න..
තරහක් නැහැ නෑවිත් ඉන්න

මගේ පුංචි රෝස මලේ...//


ගායනය : අමරසිරි පීරිස්





ඉකිගසා හඬන . . . . . . . Iki Gasa Hadana . . . . . . . .

ඉකිගසා හඬන අතීතයක
කඳුළු එක්ක ගනුදෙනු කරනා
මට මගේ නොවන
මගේම ආදරයක් තිබුණා...


හීනෙන් හිනැහී තුන්යම මා රවටා..
මැදියම් මහ රෑ අදටත් දුක ඉඟිලෙනවා..
නින්දෙන් ඇහැරී කළුවරේම යලි සොයනා..
මට මගේ නොවන..මගේම ආදරයක් තිබුණා..
මගේම ආදරයක් තිබුණා..

රිදුමක් වගේ කිසිදා සුව නොවෙනා..
සුසුමින් විතරක් නිරතුරුවම පිරිමදිනා..
මුහුණනු බැරිතැන උණු කඳුළුම වගුරුවනා..
මට මගේ නොවන..මගේම ආදරයක් තිබුණා..
මගේම ආදරයක් තිබුණා..//

ගායනය : අමරසිරි පීරිස්
පද රචනය : අමිල තේනුවර
සංගීතය : දර්ශන රුවන් දිසානායක
“සමනල සංධ්වනිය“ චිත්‍රපටයේ ගීතයක්





Thursday, May 18, 2017

ඉරට අකීකරු . . . . Irata Akikaru . . . . .

ඉරට අකීකරු හඳට අකීකරු
රෝස කැලේ රතු කැකුළී

එකමත් එක රටකින් ඔහු ඒවී
ඔබ ගෙන ඈතට යන්නට යාවී
කදුළැලි ගඟ ළඟ ඉකි බිඳ නාඩන්
කදුළැලි ගඟ ළඟ ඉකි බිඳ නාඩන්
රෝස කැලේ රතු කැකුළී

ඉරට අකීකරු හඳට අකීකරු
රෝස කැලේ රතු කැකුළී

දෙතොලේ පොපියන ගීය ගයන්නට
දෑසේ නළියන කඳුළු සලන්නට
ලස්සන දවසක් හෙට හමුවේවා
ලස්සන දවසක් හෙට හමුවේවා
රෝස කැළේ රතු කැකුළී

ඉරට අකීකරු හඳට අකීකරු
රෝස කැලේ රතු කැකුළී


ගායනය - ඉන්ද්‍රාණි පෙරේරා
පද රචනය - සුනිල් ආරියරත්න
සංගීතය - සරත් දසනායක



තිළිණේ ලෙසින් . . . . . Thiline Lesin . . . . .

තිළිණේ ලෙසින් පිළිගන්වමි
ඉටි මල් මිටක් මා සැදූ
පරවී නොයේ ඒ මල් සැලේ
මගේ ආදරේ ඒ වගේ
මගේ ආදරේ ඒ වගේ

දුර ඈත සයුරෙන් එහා
පිට වීලා යනවා කියා //
දැන ගත්ත මොහොතේ හඬා
දැක ගන්න ආවේ සොයා
දැක ගන්න ආවේ සොයා

තිළිණේ ලෙසින් පිළිගන්වමි...

ඔය දැත දෑතේ තියා
කොඳුරන්න යන්නම් කියා //
රිදවන්නේ ඇයි මා මෙසේ
ඔබ නේද මගේ ජීවිතේ
ඔබ නේද මගේ ජීවිතේ

තිළිණේ ලෙසින් පිළිගන්වමි...


ගායනය - ඉන්ද්‍රාණි පෙරේරා (ත්‍රී සිස්ටර්ස්)
සංගීතය - ස්ටැන්ලි පීරිස්
ගී පද - වර්නන් පෙරේරා



දිල්හානී දුවණී . . . .. . Dilhani Duwani . . . .

දිල්හානී දුවණී නාඬා නිදියන්නේ

නිවසට සුරතල් ආලෝකය වී
නාඬා නිදියන්නේ

දෑත දෙපා සලමින් ඇය කරනා
සුරතල් දැක ගන්න
වාසනව මට ගෙන දුන් දියණී
සුරතල් දිල්හානී

රං ඔන්චිල්ලේ ඇයව හොවාලා
පදවන්නට සිතුණා
රං තැටියේ කිරි පැණි පුරවාලා
ගෙන එන්නට සිතුණා

රංවන් තටු ඇති සමනළයින් දැක
ඇයගේ දෙතොල් පිපුණා
රන්වන් මුහුණේ ලස්සන දැකලා
සිපගන්නට සිතුනා

දිල්හානී දුවණී නාඬා නිදියන්නේ
නිවසට සුරතල් ආලෝකය වී
නාඬා නිදියන්නේ

ගායනය - ඉන්ද්‍රාණි පෙරේරා
සංගීතය - ක්ලැරන්ස් විජේවර්ධන



සුදු අසු පිට නැගලා . . . . Sudu Asu Pita Nagala . . . .

සුදු අසු පිට නැගලා
මංගල රථයේ තියා
බැන්දා රන් තොරණේ
කැන්දා මා යන්නේ
උන්මාද සිහිනෙන් ඔයා
මල්සර දෝණී මෙමා //


සිහිනෙන් වගේ මැවිලා පෙනේ
මාගේ හදේ මිහිරක් දැනේ //

ආලේ ඔබේ මටනේ ප්‍රියේ //


සුදු අසු පිට නැගලා...

මධු මල් පිපෙන්නේ අපි දෙන්නා හින්දයි
බඹරුන් හඬන්නේ මල් හී විදින්නයි
දෙනෙතේ රැඳෙන්නේ ඔබගේම රුවමයි
මනමත් කරන්නේ මල් හී සරාමයි

හිතවත් කියන්නේ ඔබ මාගේ හින්දයි //

සුදු අසු පිට නැගලා... //


ගායනය - ඉන්ද්‍රාණි පෙරේරා
ගී පද - හඩ්සන් සමරසිංහ



මගේ හිත වෙනතක යාවී ඇති බව . . . Mage Hitha Wenathaka yavi athi bawa . . . .

මගේ හිත වෙනතක යාවී ඇති බව
විහිළුවටයි කීවේ
එය ඇත්තට ගෙන ඉවත බලාගෙන
ඇයි නොදොඩා ඉන්නේ
දරුණුද ඔතරම් හදවත ඔබගේ
හිනැහෙන්න දැන්වත් ඉතිං

ඔබ විනා නෑ වෙනින් කෙනෙකු මා පතන්නේ
එය ඔබ දැන දැන සෙනෙහස නැති සේ
ඇයි නිහඬව ඉන්නේ

මගේ හිත වෙනතක...

මේ වගේ සුළු දෙයින් ඔය තරම් උරණ වී
දුක සැප එක ලෙස විඳගනු කෙලෙසද
දැන්වත් හිනැහෙන්නේ

මගේ හිත වෙනතක...


ගායනය - ඉන්ද්‍රාණි පෙරේරා
පද රචනය - සුනිල් ආරියරත්න
සංගීතය - සරත් දසනායක



නිසංසලේ අපි හමුවෙලා . . . . Nisansale Api Hamuwela . . . . .

නිසංසලේ අපි හමුවෙලා
තැනක තනි වෙලා
පාළුවේ
ඉතින් සිනාසෙමු සැනසිලා
ලොවට සඟවලා
ආදරේ //

සඳක් වලා ගැබ තනි වෙලා
ලොවට ඉඟි කලා පායලා
තුරු ලතා සීත මද නලේ
මුසුව විසිරිලා ගීතිකා

නිසංසලේ අපි හමුවෙලා...

දසන්තයේ පිණි අතුරලා
අඳුර ගොළු වෙලා මාරුතේ
මග බලා දෑස තනි වෙලා
සබඳ එන තුරා මාවතේ

නිසංසලේ අපි හමුවෙලා... //


ගායනය - ඉන්ද්‍රාණි පෙරේරා
සංගීතය - ක්ලැරන්ස් විජේවර්ධන
ගී පද - ෂෙල්ටන් වීරරත්න




Wednesday, May 17, 2017

මාගෙ මතකේ ඔබේ රුව ඇඳේ . . . . Mage Mathake Obe Ruwa Ade . . .

මාගෙ මතකේ ඔබේ රුව ඇඳේ
සුහද මා ජීවිතේ ඔබ සතුයි

ඔබේ සුවඳ මනමත් කරයි
ඔබ මා හදේ සැරිසරයි //

ඈත එපිටින් ඔබේ ඇසෙන පෙම් ගීතයයි
සීත සඳපානෙ කිරි සයුර කලතා සොයයි
මහද කවුළු දොරින් එන්න සුහදේ ඔයා
ජීවිතේ ආදරෙන් ඉන්න මට ළංවෙලා

මාගෙ මතකේ ඔබේ රුව ඇඳේ
සුහද මා ජීවිතේ ඔබ සතුයි
ඔබේ සුවඳ මනමත් කරයි
ඔබ මා හදේ සැරිසරයි

සීත සුළඟක් හමා පැතුව පැතුමන් ගෙනා
ඈත භවයේ පටන් පැතුම ලෙස ළං කලා
ඕලු මානෙල් පිපී සුවඳ පිණි හා වෙළී
සොඳුර ඔය මුහුණ මීදුම් සේලෙන් වැසී

මාගෙ මතකේ ඔබේ රුව ඇඳේ
සුහද මා ජීවිතේ ඔබ සතුයි
ඔබේ සුවඳ මනමත් කරයි
ඔබ මා හදේ සැරිසරයි //

ඔබ මා හදේ සැරිසරයි ////

ගායනය - සුජාතා අත්තනායක, එච්. ආර්. ජෝතිපාල
සංගීතය - ජේ.ඒ. දොඩංවල
ගී පද - ලීලානන්ද ගුණවර්ධන
මිනිසුන් අතර මිනිසෙක් චිත්‍රපටියෙන්




Tuesday, May 16, 2017

ඔබ මා හමුවේ නම් . . . . . Oba Ma Hamuwe Nam . . . .

ඔබ මා හමුවේ නම්
එකම කතාවක් එකම වතාවක්
යලිත් කියන්නට
ඔබ මා හමුවේ නම්...//

අතීතයට පිය මනිනු බැ‍රී
ඒ පෙම් දැහැනේ නටඹුන් ද නැතී...//
පිනි කදුලක් සේ...
මැකී ගිහින් ‍- සිතේ ඉතිරි වූ
එකම කතාවක් - යලිත් කියන්නට
ඔබ මා හමුවේනම්...

සිනා පිරුනු නෙතු දකිනු බැරි
මා ඔබ හමුවුනු මාවත වෙන් වී...//
මහ පවුරක් සේ...
නැගී ඇවිත් - මුවේ පිපේ නම්
එකම සිනාවක් - යලිත් දකින්නට
ඔබ මා හමුවේ නම්...




ඔබේ සිනා ලඟ . . . . Obe Sina Laga . . . . .

ඔබේ සිනා ලඟ - නෙත නැවතුනු දා..
ඔබේ කථා ලඟ - සිත නැවතුනු දා..
ප්‍රේමය හැදින්නෙමි..
ප්‍රේමය හැදින්නෙමි - මේ ලෝ තලයේ...//

කුමටද උපමා ඉතිහාසේ උන්
ප්‍රේමවන්තයින්ගෙන්....
කුමටද ආදරයේ පෙම් සැමරුම්
පෙම් පාරාදීසේ...
ඉමක් කොනක් නැති ආකාසේ
තරු පායා එන සේමා...
ඉමක් නිමක් නැත පෙම් හදවත්තුල
පෙම් සිතුවිලි බෝමා..

ඔබේ සිනා ලඟ - නෙත නැවතුනු දා..
ඔබේ කථා ලඟ - සිත නැවතුනු දා..
ප්‍රේමය හැදින්නෙමි..
ප්‍රේමය හැදින්නෙමි - මේ ලෝ තලයේ...//

ගායනය : ජගත් වික්‍රමසිංහ




පෙම්වන්තයින් සේ සිනා සී . . . . Pemwanthain Se Sina Si . . . .

පෙම්වන්තයින් සේ සිනා සී
හමුවීලා වෙන්වී හඬා..

ආයේ ඉතින් ප්‍රේමේ නමින්
සෝ ගී ගයන් නෑ ඉතින්..

මිහිරාවියේ කෝ ඔබේ..
වදනින් මැවූ ආදරේ..
ඔබ මීදුමක් සේ ගලා..
දුර ඈත පාවී ගියා..

පෙම්වන්තයින් සේ...

රෑ සීතයක් සේ සිතා
සැනැහී හිදින්නම් දරා
මේ ආදරේ නම් ඔබේ
එය ශාපයක් යයි සිතේ..

පෙම්වන්තයින් සේ...

ගායනය : ජගත් වික්‍රමසිංහ
පද රචනය : ෂෙල්ටන් විජේරත්න
සංගීතය : සුනිල් ධර්මසේන




Monday, May 15, 2017

හරිම හොඳයි හැම බබාම . . . . Harima Hodai Hama Babama . . . . .

හරිම හොඳයි හැම බබාම අද ඇවිල්ල වේලසනින්
අපි පන්තිය පටන් ගනිමු ආයුබොවන් ගුඩ් මෝනින්
ආයුබොවන් ගුඩ් මෝනින්

අද පාඩම පටන්ගන්න කලින් සැවොම මේ අහන්න
ලොකු වුණාම වෙන්න කැමති කවුද කියල මට කියන්න
අත උස්සල මට කියන්න

මානව හිමිකම් ගැන උද්ඝෝෂණ කරවන
එන්ජීඕ එකක් දමා ගන්නෙමි එහි මුල් තැන

ගයන නටන ඉස්ටාර්ල දැක මගෙ බඩ දනවා
සීසන් ටෙන් එකේදි හරි මම තරුවක් වෙනවා

තම තමාගෙ ගැන විතරක් දරුවනි හොඳ නෑ හිතන්න
ආස කෙනෙක් නැද්ද මෙතන රටට සේවයක් කරන්න

මම ඉපදුණ මගේ රටට නිහඬ සේවයක් කරන්න
මම ආසයි ජනාධිපති උපදේශක කෙනෙක් වෙන්න

මාධ්‍යවේදියෙක් වෙනව මමනම් ලොකු වීලා
රටට සේවෙ කරනව ඉල්ලන සින්දුව දීලා
කැමතිම සින්දුව දීලා

මෙගා නාට්ටියක් කරමි කොටස් දෙතුන්දහක
එහෙන් මෙහෙන් රඟපානව මමත් එහෙක දෙහෙක
අනෙ අපිත් එහෙක දෙහෙක

කෙනෙක් කරන දේ වැදගත් තමන්ට වාගෙම රටටත්
තමන් කැමති දේ කියන්න අත උස්සල කෙනෙක් තවත්

මම කැමතියි ක්‍රීඩාවෙන් ඉදිරියට එන්න
ලොකු වුණාම හරි ආසයි ක්‍රිකට් වලට යන්න

ක්‍රීඩාවත් හොඳයි පුතේ පෙරටම යන්න
උපන් රටට ගෞරවයක් අත්කර දෙන්න


මටනම් බෑ අව්වෙ දිගට ක්‍රිකට් ගහන්න
මෙමට ඕන ක්‍රිකට් බෝඩ් එකට පනින්න
බෝඩ් එකට පනින්න
පැනල සේවෙ කරන්න
ක්‍රීඩකයින් තෝරන්න
වර්ල්ඩ් කප් එක ගන්න


ගායනය - රන්වල පොඩි බලකාය
සංගීතය - රන්වල බලකාය
ගී පද - ගාමින්ද ප්‍රියවිරාජ්



මල් පිට මල් හැලෙන . . . . . Mal Pita Mal . . .

මල් පිට මල් හැලෙන දිගු මාවතේ
පිය මත පිය තබමින් හිනැහෙන නුබේ
ඉගි නළුවට වශි වී
අත්තල නගයි තුරුපත් පවා
අත්තල නගයි තුරුපත් පවා //

දිය පිට දියරැලි නගන ගං දියේ
සැඩ රළ මතින් ඔරුවක නැගි
එතෙරට යනු දැක ඔබයි මමයි
සැඩ නල පවා හමන හැටි පුදුමයි
සැඩ නල පවා හමන හැටි පුදුමයි

මල් පිට මල්...

වැහි පිට වැහි හැලෙන රාත්‍රියේ
උණුහුම් වෙමින් තුරුලත වෙලී
මුදු රස විදින සඳ ඔබයි මමයි
හිරිකඩ පවා දැනෙන හැටි පුදුමයි
හිරිකඩ පවා දැනෙන හැටි පුදුමයි

මල් පිට මල්...

ගායනය: අමල් පෙරේරා



ඉඩෝරයේ නගර කොනේ . . . Idoraye Nagara Kone . . . .

ඉඩෝරයේ නගර කොනේ අයිෆල් සීමාවේ
ඔබව පෙනේ....
ප්‍රංශ යුවතියන් හදේ කොන අරන්
ලිලී මල් සුළන් මීදුමෙන් වහන්
මායාවී.... පායාවී.... පමාවී... //

ෆ්රෑන්ක් මිටි ගණන්, යුරෝපේ ඉදන්,
හම්බ කරන මගේ කර පිටින්
යන්න එනවනම් ඇයිද නෙතු පියන්...
යන්න එනවනම් ඇයිද නෙතු පියන්...
බලා නොඉඳ තවත් කල් අරන්....

ඉඩෝරයේ නගර කොනේ ...//

රයින් ගඟ කොනෙන් පෙම් හසුන් අරන්
යන්න එන්න මොකක්දෝ හැඟෙන්
කියන නෙතු පියන් අහනවද ඉතින්
කියන නෙතු පියන් අහනවද ඉතින්
ස්වේත වර්ණ කරලියේ ඉදන්

ඉඩෝරයේ නගර කොනේ ...//

සංගීතය - කසුන් කල්හාර
පද - රුවන් නන්දික



සංසාර පුරුද්දද මේ . . . . Sansare Puruddada Me . . . .

සංසාර පුරුද්දද මේ
මේ හමුවීමේ අරුමේ
හිමිනොවනා බව දැනුණත්
වෙන්වීමක් නොමැති

සොඳුරු සයුරකි ආදරේ
මියුරු රහසකි ආදරේ

හිමිනොවනා බව දැනුණත්
වෙන්වීමක් නොමැති


තුන් හිතකින් වත් නොසිතූ
එක බැල්මෙන් පැතුම් පැතූ
දෛවය පෙන් වූ පරිදී
හමුවීම අහම්බයකි

හිමිනොවනා බව දැනුණත්
වෙන්වීමක් නොමැතී
සොඳුරු සයුරකි ආදරේ
මියුරු රහසකි ආදරේ


සංසාර පුරුද්දද මේ
මේ හමුවීමේ අරුමේ
හිමිනොවනා බව දැනුණත්
වෙන්වීමක් නොමැති


සොඳුරු සයුරකි ආදරේ
මියුරු රහසකි ආදරේ
සොඳුරු සයුරකි ආදරේ
මියුරු රහසකි ආදරේ

සංසාර පුරුද්දද මේ
මේ හමුවීමේ අරුමේ
හිමිනොවනා බව දැනුණත්
වෙන්වීමක් නොමැති

සොඳුරු සයුරකි ආදරේ
මියුරු රහසකි ආදරේ



ගායනය - අමල් පෙරේරා, ප්‍රබෝධා කාරියකරවන
සංගීතය - දිනේෂ් සුභසිංහ




Sunday, May 14, 2017

සඳ එබෙන්එපා . . . . . Sada Ebennepa . . . .

සඳ එබෙන්එපා තරු සිදුරු වසා
අඳුරු නෙතු තාරකා හඬවා
සත්සියක් සියපත් මතින්..//
මුදු සුවඳ හමනා මතක සුව ගෙනෙනා..//

ඔබ ලඟ නිසා පින් සිත පුරා
මල් මාලතී පිපුණා..//
සමසුන් අරා සිත් විල වසා
කුමුදුත් කොඳක් පිපුණා...//

සඳ එබෙන් එපා...//

ඔබ දුර නිසා ගගනත පුරා
අසෙනි වැසි වැටුණා..//
සිත දුක් දරා සුසුමින් වසා
කදුළුත් හඳක් හැඬුවා..//

සඳ එබෙන් එපා..//



ගායනය - අතුල අධිකාරී, සමිතා මුදුන්කොටුව
සංගීතය - නවරත්න ගමගේ
ගී පද - උපුල් ශාන්ත සන්නස්ගල



ඉවසයිද මන්දා . . . . . Iwasaida Manda . . . .

ඉවසයිද මන්දා මා දුන් රිදුම්..                                                 
වෙන්වීලා ආ දා වෙනතක් බලන්..
උන්නාට මා රහසේ තුරුලක හෙමින්..
මට ඉන්න බෑනේ මතකෙට හොරෙන්...

තනියෙන්ම වින්දා දුන් දුක් සුසුම්...
තව කදුළු නැනේ දෙනෙතේ ඉතින්...
ගියදාම ඔබ ඔහු හා ඉගිල්ලී හොරෙන්...
මට මාද නැතිවුනා සත්තයි හෙමින්..

ගොළුවෙච්ච තරු දෑසේ කදුලැල් උනන්නේ...
දරාගන්න බෑනේ මතකේ විලාපේ...
ආදරේ ඔබෙන් තරම් ලැබුනෙ නැ කාගෙන්වත්..
රැකගන්න බැරි වුනේ සංසාර ආදරේ..

ගියදාම ඔබ ඔහු හා ඉගිල්ලී හොරෙන්...
මට මා ද නැතිවුනා සත්තයි හෙමින්..

මේ පාළු දුක් සිහිනේ අතර මංවෙලා බොහොසේ
අයේ ගන්න බෑ සෙනෙහස ඔබේ...
ජීවිතය වැටුනු තරම් නැගිටගන්න බෑ...ආයේ
මැරී මැරී උපදී මේ සංසාර ආදරේ...

උන්නාට මා රහසේ තුරුලක හෙමින්...
මට ඉන්න බෑ..නේ මතකෙට හොරෙන්...

ඉවසයිද මන්දා...//

ගායනය : අතුල අධිකාරි සමඟින් සමිතා මුදුන්කොටුව
පද රචනය : ඩිලාන් ගමගේ
සංගීතය : උදාර සමරවීර



මධුර වසන්තේ . . . . . . Madura Wasanthe . . . . . .

මධුර වසන්තේ මල් ලියකම් බබලා                                
සතර දිගන්තේ ඔබෙ පිළිරූ පිපිලා
කුමරියනේ වසන්ත සමයේ
මලින් මලේ ලලිත ලතා
මධුර වසන්තේ මල් ලියකම් පිපෙනා
සතර දිගන්තේ පෙම් පණිවුඩ ඇසෙනා
කුමරුවනේ මා ඒ වසන්තයයි
වසත් සමේ ඔබෙ ළඟමයි
මධුර වසන්තේ මල් ලියකම් බබලා


දේදුණු පාටැති මල් සිඹ සමනළ සේනා
උයන සරාලා
මලකින් මලකට හෙමිහිට මුණු මුණු ගානා
මුව කොඳුරාලා
මොනවාදෝ උන් මුමුණන්නේ


මධුර වසන්තේ මල් ලියකම් බබලා...


කියඹු ලතා මැද චන්දන තිලකය ඔබගේ
දිලි දිලි දිලිහේ
මා දෙතොලින් බොඳ වේවිද පෙම් කුමරියනේ
සුන්දර උදයේ
සැරසරමු අපි පෙම් නගරේ


මධුර වසන්තේ මල් ලියකම් බබලා...

මධුර වසන්තේ මල් ලියකම් බබලා
මධුර වසන්තේ මල් ලියකම් පිපෙනා
සතර දිගන්තේ ඔබෙ පිළිරූ පිපිලා
සතර දිගන්තේ පෙම් පණිවුඩ ඇසෙනා //



ගායනය - අතුල අධිකාරි, සමිතා මුදුන්කොටුව



Saturday, May 13, 2017

ඉරක් පායනා දේශය . . . . Irak Payana Deshaya . . . . . .

ඉරක් පායනා දේශය - ලොවක් ලොබ බැදුණු දේශය..                       

මගේ මේ රටයි සුන්දර - බලනු මැන සකී...//

ජාතියේ උදා ලෝකය - මගේ හදවතයි දේශය
සිංහලේ මගේ පින්බර - පොළොව මම සිඹිම්..//

සිංහලේ මගේ පින්බර - පොළොව මම සිඹිම්..

විදෙස් දේශයන් අබියස - නිවට ජාතියක් විලසට
දෙදණ බිම ඔබා මැතිදුනි - හිඳිනු මම කෙසේ..//

ජාතියේ මහා මානය - මගේ හදවතයි දේශය..
සිංහලේ මගේ පින්බර - පොළොව මම සිඹිම්..//

සිංහලේ මගේ පින්බර - පොළොව මම සිඹිම්..

ඉරක් පායනා දේශය - ලොවක් ලොබ බැදුණු දේශය..
මගේ මේ රටයි සුන්දර - බලනු මැන සකී...//

ගායනය : ආචාර්ය වික්ටර් රත්නායක
පද රචනය : පද්මකුමාර මෙත්තසේන
සංගීතය : ආචාර්ය වික්ටර් රත්නායක



සඳ බොඳ වී යන විටදී . . . . Sada Boda Vi Yana Vitadi . . . .

සඳ බොඳ වී යන විටදී                                             
හැඬුවා ආකාසේ
ඔබ සිහි වී කඳුළු රැඳී
තිබුණා මගෙ දෑසේ
පසුතැවෙනා සිත මාගේ
වාවන්නද කෙලෙසේ

ආත්මයෙන් ආත්මයේ
ඔබේ ළඟින් රැඳෙන්නෙමී
රකිමි ආදරෙන්
මාගේ පණ වගේ
පැතුමන් පතන්නෙමී //

සඳ බොඳ වී යන විටදී
හැඬුවා ආකාසේ
ඔබ සිහි වී කඳුළු රැඳී
තිබුණා මගෙ දෑසේ
පසුතැවෙනා සිත මාගේ
වාවන්නද කෙලෙසේ

සාගරේ තරම් කියූ
විශාල වූ ආදරේ
බිඳුණි මා ඔබේ
සිතේ හැඟුම් ගැන ළඳේ
හඳුනා නොගත් නිසා //

සඳ බොඳ වී යන විටදී
හැඬුවා ආකාසේ
ඔබ සිහි වී කඳුළු රැඳී
තිබුණා මගෙ දෑසේ
පසුතැවෙනා සිත මාගේ
වාවන්නද කෙලෙසේ //



ගායනය, සංගීතය - අජිත් පෙරේරා






සාධු සිරිපා ශ්‍රී මුනිදාගේ ....... Sadhu Siripa Sri Munidage .......

සාධු සිරිපා ශ්‍රී මුනිදාගේ ...........
සාධු සිරිපා ශ්‍රී මුනිදාගේ ත්‍රිනාදිමු භව සාගරේ
සාධු සිරිපා .......
ඒ පොඩි රාහුල බිම්බාදේවි
හැරදා ගියේ මහා රෑ මතියේ
සාධු සිරිපා ......


අප මුදන ලෙසේ මේ ගෝර භවේ
ඔබ වින්දා වූ ඒ ගෝර දුකා
ඒ ගෝර දුකා ......
ඇග මාංශ කපාලා ලේ දන් දී එක සේම දයා පාලා
ඒ රාහුල සේ අප සෑම සිතා .....//
වනගත වීලා ධ්‍යානේ වඩාලා තිනාදිමු භව සාගරේ
සාධු සිරිපා ......


ජය ශ්‍රී මහා බෝධි මුලෙදී එදා
දස පාරමී ධර්ම බලෙන් ස්වාමි මාර පරාදේ දුන්
මාර පරාදේ දුන්නා ඒ
අප සාධු කියාවි ලෝ අග වී .......//
ජය බිම වේ නගරේ විසාලා වදිමි සදා මා සාගරේ
සාධු සිරිපා ......


ගායනය - ඒ. ජේ. කරීම්





Friday, May 12, 2017

මිහි මඬලේ . . . . . Mihimadale . . . . . . .

මිහි මඬලේ අඳුරු කුසේ                                                      
දිය උල්පත අම්මා..
අහස් තලෙන් මරු කතරට
වහින වැස්ස අම්මා..
නිල් දෙරණේ තුරුලිය මත
මල් සම්පත අම්මා..
තුරුලිය මත පිපි කුසුමේ
ඵල සම්පත අම්මා...

සිය දහසක් නෙක ලෝදා
එළිය කරන අම්මා..
සොලොස් කලා පිරි පුරහඳ
එළිය කරන අම්මා...

මිහි මඬලේ අඳුරු කුසේ...

සඳ නැති රෑ සක්වල තරු
එළිය කරන අම්මා...
උදා ගිරෙන් ලොවට වඩින..
ලහිරු මඬල අම්මා...

මිහි මඬලේ අඳුරු කුසේ...

ගායනය : නන්දා මාලනී
පද රචනය :ඩබ්ලිව් ඒ. අබේසිංහ
සංගීතය : ප්‍රේමසිරි කේමදාස



මම යන්නම් . . . . . Mama Yannam . . . . .

මම යන්නම් ඔබ කියන විටක යන්නම්                                                  
ඔබට නොපෙනෙන්නට සැගවී මම ඉන්නම්
මොහොතක් හෝ.....

ඔබ දැකගනිමින් යන්තම්
ඒ වන තුරු ඔබ ලඟ ඉන්නට ඇත්නම්...//

වන මල් සුපිපෙණ අසපුව ඔබගේ හදවත
එහි මට ඉන්නට අවසර දෙනු මැන හිතවත...//

මම යන්නම්...//

සදාකාලිකව ඔබ හදවත මට හිමි නැත..
කෙටි කලකට වුව මට එහි ලොව්තුරු සුව ඇත...//

මම යන්නම්...//

ගායනය : නෙළු අධිකාරි
පද රචනය : සුනිල් ආරියරත්න
සංගීතය : ස්ටැන්ලි පීරිස්




ගඟුලේ බිඳෙන හීන හිනා මගේ . . . . . . Gagule Bidena Hina Hina Mage . . . . .


ගඟුලේ බිඳෙන හීන හිනා මගේ                                                   වදුලේ ඇසෙන මිහිරි කතා මගේ

පෙම පිදූ නොසංගා හී දැරූ අනංගා //

ඔබ ළඟින් රුවක් ලෙසින් හිඳිම්
කුල ගෙය දෙව් ලොව සදිසි
ගඟුලේ බිඳෙන හීන හිනා මගේ


තිසර තුඩග ලෙලෙන පියුම වාගේ
වෙලෙමි විඳිමි නිබඳ ඔබගෙ ආලේ //

ඔබ හා ආ මේ මං පෙත මාගේ //
ගම්දොර අහස වසන සරා සඳම වූයේ
ගඟුලේ බිඳෙන හීන හිනා මගේ


ගහට වැලට හැඬුම නොමැත ආයේ
සුළඟ විලස රැඳෙමි පෙනෙන මානේ //

මේ රජ දානේ බිළිඳෙකු දෑසේ //
හිමියෙනි කෙදින සිනහ ඉතිරෙද සිරියානේ

ගඟුලේ බිඳෙන හීන හිනා මගේ
වදුලේ ඇසෙන මිහිරි කතා මගේ

පෙම පිදූ නොසංගා හී දැරූ අනංගා //

ඔබ ළඟින් රුවක් ලෙසින් හිඳිම්
කුල ගෙය දෙව් ලොව සදිසි
ගඟුලේ බිඳෙන හීන හිනා මගේ


ගායනය - දීපිකා ප්‍රියදර්ශනී
සංගීතය - රෝහණ වීරසිංහ
ගී පද - බන්දුල නානායක්කාරවසම්




https://www.youtube.com/watch?v=bwKJh66SJ6E